مجرد ماتش أم ماتش مجرد؟

Funny Quote of the Day - Ted Turner - "Sports is like a war without the killing."

جملة اليوم الطريفة :"الرياضة كالحرب لكن دون القتل" - تيد ترنر-


تشجيع من غير تقطيع

الجملة دي ظهرت لي في ال Gmail ، مش عارف الجملة دي عن عمد و لا ايه ، بس الجملة عجبتني بجد ، خاصة ان كل التخلف اللي بيحصل ده مش لصالح أي طرف ، و بكل تأكيد الطرفين خاسرين ، و لو انها معركة فالمفترض تكون من غير ضرب ، من غير أذى ، من غير اتهامات ، من غير تخلف، لأنها بكده اتحولت من رياضة لساحة معارك حربية ।

سألت واحد عن رأيه في المباراة ، قال أنا مقاطعها ، مش هتفرج عليها ، ، لأن أنا مش هستفاد حاجة من كل شئ ، و حتى لو مصر وصلت لكأس العالم ايه اللي ممكن استفاده ؟، هيجيبولي وظيفة مدير و هيدوني مكافأة ... الحكاية و ما فيها انها هبل و كلام فاضي بيحشوا دماغنا بيه علشان ننسى الهم

كان ردي عليه
و فيها ايه لو ننسى الهم ؟ ، ولا احنا لازم نعيش جوه الواقع الحزين ده على طول ؟ ، احنا بنفرح للمنتخب لأن المنتخب ده رمز مصر ، و كلنا مصريين ، احنا المكونين لمصر ، و على فكرة حب مصر مش نسبي ، كلنا دون استثناء بنحب مصر ، و اللي هيحققه المنتخب هيرفع من اسم مصر....

قاطعني و رد بكل عنف ................. خلي مصر تنفعك

قلت له ....أنا انفع نفسي علشان انفع مصر بدل ما استنى الفرج على يد مجهولين

حضراتكم لو مكاني كنتوا قلتوا ايه ؟

( مهما حصل و مهما هيحصل ....هنفضل اخوات )




( بيقول اهدوا ؟ استنوا؟ اصبروا ؟) ما قالش حاربوا

( مهما يحصل و مهما يكون .... هنشجع مصر من غير تعصب و لا جنون )

سؤال أخير هل ده مجرد ماتش عادي كأي ماتش؟
أم هو ماتش مجرد من الروح الرياضية و المبادئ و الحاجة الخارقة اللي اسمها العقل ؟

تحديث هام جداً جداً.....

" ممكن اتخدع في القلة اللي اظهرناهم كثرة ، عندنا و عندهم ، لكن الفايدة ايه ؟ ، اتهننا و اتهزقنا و اتضربنا "

أنا مش هقبل

لكن هنقبل ايه ؟